ভুল্লুং-বুথুৰ আন্তঃৰাষ্ট্ৰীয় নাট-মহোৎসৱ ২০২৬

২০২৩ চনত আৰম্ভ হোৱা ভুল্লুং-বুথুৰ আন্তঃৰাষ্ট্ৰীয় নাট-মহোৎসৱে ব্ৰহ্মপুত্ৰৰ পাৰত নদী আৰু মানৱ সভ্যতাৰ নিবিড় সম্পৰ্ক উদ্‌যাপন কৰে। প্ৰতি বছৰে বিভিন্ন দেশৰ শিল্পীসকল নাট্য পৰিৱেশন, কৰ্মশালা আৰু আলোচনাৰ বাবে গুৱাহাটীত মিলিত হয়।

২০২৬ চনৰ মহোৎসৱত ভাৰত, শ্ৰীলংকা, আমেৰিকা যুক্তৰাষ্ট্ৰ আৰু পোলেণ্ডৰ নটা পৰিৱেশন, এখন ফিজিকেল থিয়েটাৰ কৰ্মশালা, থিয়েটাৰ ফ’ৰাম আৰু দুখন গ্ৰন্থ উন্মোচন থাকিব। উদ্বোধনী অনুষ্ঠানত নাটক আৰু চলচ্চিত্ৰৰ বাবে চাৰিটা বিনামূলীয়া ডিজিটেল আহিলাও মুকলি কৰা হ’ব।